რით შეგვიძლია დაგეხმაროთ?

თუ გაქვთ შეკითხვები პერსონალური მონაცემების დაცვასთან დაკავშირებით, ფლობთ ინფორმაციას შესაძლო კანონდარღვევის შესახებ, ან მიგაჩნიათ, რომ თქვენს მონაცემებს უკანონოდ ამუშავებენ - ამ გვერდის საშუალებით შეგიძლიათ მარტივად დაგვიკავშირდეთ და იმოქმედოთ თქვენი და სხვისი უფლებების დასაცავად.

მიიღეთ კონსულტაცია

გამოგვიგზავნეთ შეტყობინება

თუ ფლობთ ინფორმაციას შესაძლო კანონდარღვევის შესახებ და გსურთ, რომ აცნობოთ პერსონალურ მონაცემთა დაცვის სამსახურს, ამ გვერდის საშუალებით შეგიძლიათ გამოგვიგზავნოთ შეტყობინება. ამისთვის პირველ რიგში უნდა შეავსოთ „შეტყობინების“ ველი და მოგვაწოდოთ მაქსიმალურად დეტალური ინფორმაცია დარღვევის შინაარსის, ადგილის, დროის და სავარაუდო კანონდამრღვევის შესახებ. შეტყობინების გამოგზავნისას სასურველია მიუთითოთ საკონტაქტო მონაცემები, იმისთვის, რომ საჭიროების შემთხვევაში შევძლოთ თქვენთან დაკავშირება. თუმცა, თუ ანონიმურად დარჩენა გსურთ, შეავსეთ მხოლოდ ერთი სავალდებულო ველი. შეტყობინების გამოგზავნა შეგიძლიათ ჩვენი მობილური აპლიკაციის მეშვეობითაც.

თქვენი შეტყობინება წარმატებით გაიგზავნა.

შემოიტანეთ განცხადება

თუ მიგაჩნიათ, რომ თქვენს პერსონალურ მონაცემებს უკანონოდ ამუშავებენ და გსურთ, რომ პერსონალურ მონაცემთა დაცვის სამსახურმა რეაგირება მოახდინოს, უნდა მოგვმართოთ განცხადებით. განცხადების შემოტანა შეგიძლიათ როგორც ჩვენს ოფისში: თბილისი, ვაჩნაძის ქუჩა № 7, ასევე ელექტრონულად. ელექტრონული ფორმით განცხადების შემოსატანად შეგიძლიათ ჩამოტვირთოთ განცხადების ფორმა და შევსებული, ხელმოწერილი და დასკანერებული გამოგვიგზავნოთ მისამართზე: office@pdps.ge.  სამსახური გთავაზობთ უფრო მოქნილ შესაძლებლობასაც: დარეგისტრირდით საქმის წარმოების სისტემაში, სადაც ერთ ონლაინ სივრცეში შეძლებთ როგორც განცხადების შემოტანას, ასევე მისი განხილვის პროცესისთვის თვალყურის დევნებას და ამომწურავი ინფორმაციის მიღებას.

საქმის წარმოება განცხადების ფორმის ჩამოტვირთვა

ქუქის პოლიტიკა

თქვენ იმყოფებით პერსონალურ მონაცემთა დაცვის სამსახურის ვებგვერდზე. ვებგვერდით სარგებლობის პროცესის გასამარტივებლად, ვებგვერდი იყენებს „მზა-ჩანაწერებს“ (Cookies)

„მზა-ჩანაწერებს“ გამოყენების თაობაზე დამატებითი ინფორმაციის მისაღებად, გთხოვთ, გადახვიდეთ შემდეგ ბმულზე „მზა-ჩანაწერების“ პოლიტიკა

ვეთანხმები
არ ვეთანხმები

როგორ მოვითხოვო პირდაპირი მარკეტინგის მიზნით ჩემი მონაცემების დამუშავების შეწყვეტა?

პირდაპირი მარკეტინგი არის მომხმარებლისთვის მოკლე ტექსტური შეტყობინებით, საფოსტო გზავნილით, სატელეფონო ზარით, ელექტრონული ფოსტით, ან უშუალო კომუნიკაციით საქონლის, მომსახურების, დასაქმების შეთავაზება.

პირდაპირი მარკეტინგის მიზნებისთვის მონაცემები შეიძლება დამუშავდეს, თუ

  • მოქალაქემ განაცხადა წერილობითი თანხმობა;
  • ინფორმაცია ხელმისაწვდომია საჯაროდ ან ორგანიზაცია კანონიერად ფლობს ამ მონაცემებს

 

ხშირად საკუთარი მონაცემების, მათ შორის, საკონტაქტო ინფორმაციის გამოყენებაზე კომპანიებს თავად ვთანხმდებით - მაგალითად, დაგროვებითი ბარათის შევსებისას მაღაზიას ვაძლევთ უფლებას გამოგვიგზავნოს შეტყობინებები, მობილურ ოპერატორს ვრთავთ ნებას გამოიყენოს ჩვენი ტელეფონის ნომერი პარტნიორი კომპანიების მარკეტინგული მიზნებისთვის, ვხდებით რა ბანკის კლიენტი, ვთანხმდებით მას საინფორმაციო და სარეკლამო შეტყობინებების გამოგზავნაზე და სხვა.

კომპანიებს ჩვენი საკონტაქტო ინფორმაციის პირდაპირი მარკეტინგის მიზნით გამოყენება მაშინაც შეუძლიათ, თუ ეს ინფორმაცია საჯაროდაა გამოქვენებული. მაგალითად, თუ ტელეფონის ნომერი ყიდვა-გაყიდვის საიტზე გაასაჯაროვეთ, ელექტრონული ფოსტა ღიად მიუთითეთ ფეისბუქის გვერდზე და სხვა.

თუმცა, მიუხედავად იმისა, მიეცით თუ არა თანხმობა ორგანიზაციას პირდაპირი მარკეტინგის მიზნებისთვის თქვენი მონაცემების გამოყენებაზე, თქვენ უნდა გქონდეთ საშუალება უარი თქვათ მასზე - იმავე ფორმით რა ფორმითაც მოხდა შეთავაზება, ან სხვა ხელმისაწვდომი და ადეკვატური საშუალებებით.

მაგალითად, სარეკლამო შეტყობინებას აუცილებლად უნდა ახლდეს უარის თქმის მექანიზმი და მკაფიო მითითება იმაზე თუ როგორ შეუძლია მოქალაქეს სარეკლამო შეტყობინების მიღების შეწყვეტა - ე.წ. SMS OFF; ელექტრონული ფოსტის შემთხვევაში წერილს უნდა ახლდეს ე.წ. Unsubscribe მექანიზმი.

თქვენ გაქვთ უფლება მონაცემთა დამმუშავებელს ნებისმიერ დროს და ნებისმიერი ფორმით (ზეპირი, წერილობითი) მოსთხოვოთ, შეწყვიტოს თქვენი მონაცემების პირდაპირი მარკეტინგის მიზნებისთვის გამოყენება. კომპანია ვალდებულია შეწყვიტოს თქვენი მონაცემების პირდაპირი მარკეტინგის მიზნით გამოყენება თქვენი მოთხოვნიდან 10 სამუშაო დღის ვადაში.

თქვენ გაქვთ უფლება იცოდეთ, რა მონაცემები მუშავდება თქვენს შესახებ და ნებისმიერ დროს მოითხოვოთ მათი გასწორება, განახლება, დამატება, დაბლოკვა, წაშლა ან განადგურება; გაქვთ  უფლება იცოდეთ, ვინ არის მარკეტინგის განახორციელებელი, რა წყაროდან მოიპოვა თქვენი მონაცემები და რა საფუძვლით.

 

თუ კომპანია არ გაწვდით შესაბამის ინფორმაციას, უარის მიუხედავად აგრძელებს სარეკლამო შეტყობინებების გამოგზავნას, უარის თქმის მექანიზმი არ მუშაობს ან მიგაჩნიათ, რომ თქვენი მონაცემები კანონის დარღვევით აქვს მოპოვებული, მოგვმართეთ.